O CONCELLO CORTARÁ MAÑÁ AO TRÁFICO UN TRAMO DO VIAL DA AVENIDA DE SANTA ICÍA PARA REPARAR A REDE DE SANEAMENTO
O concelleiro de Seguridade Cidadá, Román Romero, explicou que o corte será efectivo a partir das 8.00 horas
Narón, 12 de xullo de 2020. O Concello cortará mañá luns ao tráfico rodado un carril de circulación da avenida de Santa Icía, na Solaina, debido á necesidade de executar na zona traballos de reposición dun tramo danado da rede de saneamento. O corte será efectivo a partir das 8.00 horas e ata que a empresa remate os traballos proxectados para reparar a rede.
O carril que se cortará, tal e como indicou o edil de Seguridade Cidadá, Román Romero, é o que vai dende A Solaina ata o cruce da Ferrolana e o tráfico rodado desviarase pola rúa Pai Sarmiento.
A reapertura do citado tramo de vial levarase a cabo en canto rematen os traballos pendientes de realizar, solicitándose dende o Concello desculpas de antemán polas molestias que poida ocasionar esta medida.