O día 23 de novembro celébrase o Día de Narón. Desde 1993 conmemórase nesta data a primeira acta oficial do ano 1837, na que aparece o nome de Narón.

O Día de Narón é unha das moitas datas que esparexen o calendario do concello de festas, tradicións e outras actividades, nas que se mestura o espírito relixioso co ambiente de lecer e co carácter comercial. Unha mostra son estas feiras, romarías e festas patronais que se espallan polo municipio.

Os días 13 e o derradeiro domingo de cada mes, esta zona da parroquia de Sedes convértese nun lugar onde se comercia con todo tipo de produtos agropecuarios e mercadorías de tipo domésticos sen faltaren as esmorgas gastronómicas. Esta é a feira de maior prestixio da Terra de Trasancos. Máis recente (1988), o Feirón da Solaina destaca por ser un mercado de tipoloxía urbana. Celébrase o primeiro domingo de cada mes na parroquia de Santa Icía, e nel intercámbianse produtos de vestir, do fogar ou alimenticios. Xunto a estas celebracións hai outras festas tradicionais de grande importancia: as romarías. Nelas mestúranse elementos relixiosos con outros da tradición pagá, como as ofrendas. Ademais, en moitos dos casos, levan ligadas actividades comerciais que as asocian ás feiras rurais. Entre elas cómpre subliñar: