COSMA CORTARÁ O XOVES O SUBMINISTRO DE AUGA EN VARIAS RÚAS DA CIDADE PARA REALIZAR LABORES DE MANTEMENTO
O corte será efectivo de 10.00 a 12.00 horas nas rúas Río Vespasante, Río do Foxo, Río Deza, Lugar de Arriba e Camiño Real
Narón, 14 de febreiro de 2023. O concelleiro de Servizos, Ibán Santalla, anunciou que a empresa Cosma cortará o subministro de auga o vindeiro xoves, día 16, entre as 10.00 e as 12.00 horas, en varias rúas da cidade para realizar traballos de mantemento na rede. O edil informou que estarán afectadas polo corte as rúas Río Vespasante, Río do Foxo, Río Deza, Lugar de Arriba e Camiño Real.
Dende a empresa solicitáronse de antemán desculpas á veciñanza afectada polas molestias que poida ocasionar a medida.