Narón, 24 de setembro de 2024. O Auditorio municipal, na Praza de Galicia, acollerá un ano máis o Certame de Habaneras organizado polo Padroado da Cultura e a Sociedade Cultural Areosa, de Piñeiros. A convocatoria alcanza este ano a súa vixésima edición e dará comezo ás 17:30 horas. As formacións corais que actuarán nesta edición serán as corais da Sociedade Cultural Areosa, de Piñeiros; a de San Esteban, de Redondela, a Agrupación Lucero del Alba, de Neda, e a Rondalla das Pontes. A entrada é de balde, podendo asistir todas as persoas que o desexen ata completar o aforo do Auditorio municipal.