Narón, 9 de decembro de 2024. A Biblioteca municipal abrirá mañá martes ás 16:00 horas o prazo de inscrición no obradoiro de Nadal que se desenvolverá este sábado, día 14, nas citadas instalacións. A concelleira responsable da área, Olga Ameneiro, avanzou que se trata dunha proposta dirixida a menores a partir de 4 anos. As nenas e nenos terán a oportunidade de elaborar obxectos decorativos para adornar os seus fogares durante estas festas. O obradoiro dará comezo ás 11:00 horas. Para poder participar é preciso que os menores teñan os 4 anos cumpridos e o carné da rede de bibliotecas sen sancións pendientes. As prazas poden reservarse presencialmente na Biblioteca ou chamando por teléfono ao número 981 382 173.