Narón, 24 de abril de 2025. O Padroado da Cultura de Narón e a Sociedade Cultural Areosa, de Piñeiros, organizan este ano unha nova edición, a sétima, do Festival de coros de Narón, que terá lugar este sábado, día 26, no Auditorio municipal, na Praza de Galicia. A convocatoria dará comezo ás 17:30 horas, e na mesma, tal e como indicaron dende Areosa, actuarán a Coral Amistad (O Couto, Narón), o Coro Maristerra (Colindres, Cantabria) e a Rondalla Lucero del Alba (Neda). A entrada a este evento musical é de balde, tal e como indicaron dende a organización.