Narón, 25 de abril de 2025. A alcaldesa da cidade, Marián Ferreiro, e o concelleiro de Seguridade Cidadá, José Oreona, recibiron esta mañá no Concello ao comisario Javier María de Loresecha, que cesa do cargo na Comisaría de Ferrol-Narón para pasar a segunda actividade. O comisario asumiu en xuño de 2023 o cargo nas citadas dependencias policiais. Na xuntanza estiveron tamén presentes o xefe da Policía Local de Narón, Eduardo Pita, e o Oficial José Antonio Carballido. A alcaldesa agraceceu o seu labor durante todos estes anos e o seu compromiso coa seguridade, ao tempo que destacou a súa dilatada traxectoria profesional nos máis de trinta anos de servizo ao Corpo. Así mesmo, desexoulle que desfrutase desta nova etapa vital.