Xoves, 11 de xuño de 2026. O Concello de Narón informa de que están abertas as inscricións para a Ludoteca municipal durante os meses de verán. O prazo, que comezou o 8 de xuño, pecha o próximo día 19, e a atención ao público para formalizar a matrícula realízase de luns a venres de 19:00 a 20:00 horas na propia ludoteca, situada na rúa Cardenal Cisneros, 2. O programa de verán principia o 22 de xuño e prolongarase ata o 4 de setembro, con agosto pechado por vacacións. Durante o período estival, o horario de atención será de 13:00 a 14:00 horas, franxa na que tamén se poderán facer consultas ou solicitar información. A ludoteca oferta grupos diferenciados por idades para nenos e nenas de entre 3 e 12 anos. Os luns e mércores funcionarán o grupo Cangrexos —de 3 a 6 anos, con 20 prazas— e o grupo Centolos —de 7 a 12 anos, con outras 20 prazas—. Os martes e xoves haberá actividade cos grupos Luras —de 3 a 6 anos— e Xibas —de 7 a 12 anos—, tamén con 20 prazas cada un. Os venres quedan reservados para os grupos de mestura: Mestura 1, para nenos e nenas de 6 e 7 anos, e Mestura 2, para os de 8 a 12 anos. No caso de non cubrirse as prazas do grupo Mestura 1, o límite de idade poderase reducir progresivamente ata os 4 anos. En todos os casos o horario é de 10:00 a 13:00 horas. Cada menor pode inscribirse un máximo de tres días semanais, sendo os venres un día complementario, sempre que se respecte o grupo de idade correspondente e haxa prazas dispoñibles. Para máis información, a ludoteca atende no teléfono 981 38 92 84 ou no correo electrónico ludoteca@naron.gal.