Narón, 13 de novembro de 2026. A Casa da Mocidade acollerá unha nova proposta de dinamización entre finais deste mes e febreiro do vindeiro ano. Así o anunciou o concelleiro de Mocidade, Ibán Santalla, indicando que baixo o lema de “Ocio xove, educación e alternativa” se apostará por respostar ás demandas plantexadas pola mocidade en materia de ocio en torno ao xogo para menores de 12 a 16 anos. O prazo de inscrición nos obradoiros desta iniciativa abriu hoxe, debendo realizarse a través do código QR da mesma, dispoñible no cartaz que publicado nas redes sociais do Concello de Narón. A través das inquedanzas, gustos e afeccións, os rapaces e rapazas disporán dun lugar de encontró para intercambiar experiencias, adquirir habilidades persoais e sociais, ocupar o tempo de lecer dun xeito educativo e lúdico e, ao mesmo tempo, socializar entre eles. Entre o vindeiro 21 de novembro e o 27 de febreiro de 2027 todos os sábados de cada mes e durante o período lectivo de Nadal, entre as 17:00 e as 20:00 horas, a mocidade disporá dunha serie de espazos que funcionarán de xeito continuo. Poderán elixir entre os de videoxogos, xogo comunitario (futbolín, dardos e xogos de mesa), creativo de debuxo e pintura, etc. A maiores, disporán de obradoiros os sábados sobre diferentes temáticas: scapes room, xogos de rol, rap, tattoos, lettering, realidade virtual, robótica, gymkanas, torneos, artesanía, medio amniente, identidade dixital, intelixencia artificial, etc. Para poder participar nestes obradoiros será preciso inscribirse previamente, ao tratarse de aforos limitados en cada un deles. Para obter máis información pódense consultar as redes sociais e a web do Concello ou contactar co Servizo Sociocomunitario de Narón, a través do teléfono 981 337 700 (extensión 1108 e 1109) ou do enderezo electrónico: omix@naron.gal.