O CONCELLO ORGANIZA UNHA NOVA EDICIÓN DO PROGRAMA 'CORREDOIRA VERDE' PARA ESTA PRIMAVERA
Aberto a tódolos públicos, os participantes podrán percorrer un total de 10 rutas pola naturaleza da comarca de Ferrolterra ata o Ortegal.
Narón, 22 de Marzo de 2012.- O Concelleiro de Medio Ambiente de Narón, Manuel Ramos, presentou hoxe en rolda de prensa o programa “Corredoira Verde Activa” que se desenvolverá dende o 31 de marzo ata o 16 de xuño, cun total de 10 rutas pola natureza. Este programa foi deseñado pola Cooperativa de Educación Medioambiental (CEM) e os participantes poderán percorrer toda a comarca de Ferrolterra ata o Ortegal, e coñecer así o extenso patrimonio arqueolóxico e a beleza da paisaxe.
Os interesados poden inscribirse mensualmente no Rexistro Xeral do Concello, abonando unha taxa de 11,80€ ó mes. Tódalas rutas inclúen transporte en autobús (algunhas de ida e volta, e outras o retorno) . Os participantes recibirán unha documentación básica de cada unha das etapas, consistente nun mapa a escala para aprender a orientarse, e información sobre o patrimonio arqueolóxico e a riqueza da paisaxe.