Narón, 22 de maio de 2024. As entradas para poder ver os espectáculos de fin de curso das Escolas Culturais Municipais están á venda na billeteira do Pazo da Cultura. Ata o vindeiro 27 de maio poden adquirilas, a un prezo de 2,50 euros, as familias do alumnado, se ben a partir dese día as que queden poranse á venda libre. O alumnado das citadas escolas non precisa mercar a entrada, podendo ir ao segundo anfiteatro para ver o resto do festival, excepto os menores de 6 e 7 anos matriculados, que dispoñen dunha invitación para sentarse coas súas familias que se pode pedir na billeteira do Pazo da Cultura.