Narón, 24 de maio de 2024. A Biblioteca municipal acollerá o vindeiro martes, día 28, un faladoiro sobre hixiene menstrual e endometriose, organizado pola asociación QuerEndo, mulleres con endometriose. A edil de Bibliotecas, Olga Ameneiro, explicou que a convocatoria se convocou con motivo da conmemoración do Día da Hixiene Menstrual (28 de maio) e que dará comezo ás 18:30 horas. A presidenta da asociación QuerEndo, Sara Iglesias Sánchez, e unha das vogais, Rosa Calvo Carballeira, compartirán a súa experiencia e coñecemento sobre temas esenciais relacionados coa saúde menstrual. O faldoiro estruturarase en varios apartados, un para coñecer a endometriose, outro para entender o ciclo menstrual e un terceiro sobre opcións para a recolección do sangrado. Dende a organización convídase a toda a cidadanía a acudir a esta xornada informativa, que se desenvolverá na planta soto da Biblioteca.