Narón, 29 de maio de 2024. O Coro da Capo e o Peque Coro Solidarium do Concello de Narón actuarán este sábado, día 1, no Centro Cívico Social de Pedroso. Así o anunciou a concelleira de Política Social, María Lorenzo, informando que a convocatoria dará comezo ás 17:30 horas e estará aberta á asistencia da cidadanía en xeral. O Concello de Narón organiza o acto, no que os menores que integran estas dúas formacións, interpretarán varios temas para o público asistente. O Peque Coro está integrado por menores de 6 a 15 anos e o Coro da Capo para mocidade de entre 16 e 35 anos, moitos deles de Narón aínda que tamén hai varios rapaces e rapazas doutros concellos da comarca. Cristina Teijeiro, Olga Vigo e Graciela Galdo son as tres persoas que dirixen os coros municipais.