Narón, 11 de marzo de 2025. O Concello secundou este mediodía o convite da Federación Española de Municipios e Provincias (FEMP) para conmemorar hoxe o Día Europeo en Memoria das Vítimas do Terrorismo, vinte e un anos despois dos terribles atentados que custaron a vida de 193 persoas en Madrid. A alcaldesa, Marián Ferreiro, presidiu a concentración realizada ás 12:00 horas na porta principal do Consistorio, á que tamén acudiron outros representantes da corporación local e traballadoras e traballadores do Concello. Os asistentes gardaron un minuto de silencio en memoria de todas as vítimas do terrorismo e dos falecidos naquel tráxico suceso do 11M.