O recoñecemento entregouse nun acto oficial celebrado na Academia Galega de Seguridade Pública (AGASP), na Estrada, ao que asistiu o presidente da Xunta, e no que se puxo en valor o traballo realizado polos servizos de emerxencias durante unha das maiores catástrofes naturais dos últimos anos. En representación do servizo naronés acudiron ao acto David Esclusa, Iván Pérez e Antonio Bellón, tres dos integrantes do continxente desprazado a Valencia, xunto co concelleiro de Seguridade Cidadá de Narón, José Oreona. O dispositivo enviado á zona estivo composto por cinco efectivos, que permaneceron seis días no municipio de Paiporta, un dos máis afectados pola DINA, realizando labores de axuda, rescate e apoio á poboación. Durante a entrega da distinción, os representantes dos Bombeiros de Narón quixeron facer extensivo o recoñecemento ao persoal que permaneceu en Narón garantindo a cobertura do servizo durante eses seis días. Dende o Concello de Narón destacan que este recoñecemento supón un merecido homenaxe ao traballo conxunto, ao compromiso e á profesionalidade de todas as persoas que estiveron “ao pé do canón cando máis se precisaba”.