Narón, 4 de xuño de 2024. A concelleira de Ensino, Olga Ameneiro, informou da existencia de prazas libres para menores de 0 a 1 anos e de 2 a 3 anos nas tres Escolas Infantís Municipais, as da Solaina, A Gándara e Piñeiros, para o curso 2024-2025. Recentemente o Concello publicou as listaxes dos menores admitidos en cada un dos centros -que se poden consultar no enlace: http://www.naron.es/web/cat/gal/concello/escuelas_infantis/- e nos que non quedan vacantes na franxa de 1 a 2 anos. As persoas interesadas en matricular aos seus fillos e fillas o vindeiro curso nas citadas vacantes poden entregar as solicitudes a través do Rexistro municipal do Concello, tal e como recordou Ameneiro.