O ACTOR JAVIER GUTIÉRREZ ESTARÁ ESTA FIN DE SEMANA NO PAZO REPRESENTANDO A OBRA "LOS SANTOS INOCENTES"
A representación terá lugar o venres ás 20.30 horas e o sábado ás 20.00 e unha duración aproximada de dúas horas
Narón, 9 de xuño de 2022. A compañía GG Producción Escénica traerá a Narón mañá -20.30 horas- e o sábado -20.00- a obra “Los santos inocentes”, unha adaptación da recoñecida obra do escritor Miguel Delibes e dunhas dúas horas de duración. As persoas que desexen acudir ao Pazo a este espectáculo poden adquirir as últimas entradas no despacho de billetes do Pazo ou na web do Padroado da Cultura. O prezo é de 20 euros para o público xeral e de 14 para abonados, desempregados e persoas con carné xove ou de estudante (ata 25 anos).
O actor Javier Gutiérrez forma parte do elenco desta peza, na que tamén están Marta Gómez, Luis Bermejo, Jacobo Dicenta e Raquel Varela, entre outros. A través desta historia devólvese o reflexo do noso pasado para poder explicar o presente.